Tuesday, 5 July 2011

Bheegi si yaad

Har lamha khoosurat hai is mausam ka,
Katra katra choone ko betaab hai mann,

Kabhi katrati hun, kabhi sharmati hun,
Ankhon ko geela hone se bachati hun,

Sochti hun, boondon ko tan par lapet lun,
Unse kuch naye sapne bun lun,

Teri yaadon se aaj khafa reh na saki,
Bheegte tan se unko gale, mil lun,

Aaj mausam sailab layega,
Yaadon ka sara jahan layega,
Bhool chuki hun, jin anmol yaadon ko kahin,
Dhoondh layi barsaat unhe..

1 comment: